My Actifit Report Card: October 5 2025

آج کے دن کا آغاز اس اللّٰہ کے نام سے شروع کیا جو تمام جہانوں کو پالنے والا ہے جس کی بادشاہی ہر طرف ظاہر ہے جو ہر جاندار کو رزق عطاء کرتا ہے جس کے قبضہ قدرت میں ہم سب کی جان ہے ۔ آج اتوار کا کا دن تھا اور اکتوبر کی پانچ تاریخ تھی دن کا آغاز اللّٰہ کے بابرکت نام سے کیا ۔ آج سورج صبح 6:00 بجے طلوع ہوا ہے اور 5:38 پر غروب ہوا ۔ زندگی کا ہر سورج ہر دن انسانی زندگی میں اپنی اہمیت رکھتا ہے ۔ صبح سورج طلوع ہونے سے پہلے میں جاگ گی میں نے وضو کیا اور نماز فجر ادا کی اس کے بعد پھر نے قرآن مجید کی چند آیات تلاوت کیں اور اپنی زبان میں ان کا ترجمہ پڑھا ۔ پھر میں کچن میں گی اور بچوں کیلئے ناشتہ بنانا شروع کر دیا ۔ آج میں نے بچوں کو نہیں جگایا کیونکہ آج اتوار کا دن تھا اور بچوں کی سکول سے چھٹی تھی ۔ ہفتے میں ایک دن بچوں کا ہوتا ہے جس دن اتوار ہوتی ہے کیونکہ بچے اتوار کو بہت سکون سے جاگتے ہیں ۔ رات کو میری بیٹی کو زکام بھی تھا اور اس کا جسم بھی درد کر رہا تھا ۔ جب صبح لیٹ جاگی تو اس کی طبیعت میں بہت فرق تھا اور یہ سب آرام کرنے کی وجہ سے تھا ۔

آج گھر کے کاموں سے ہٹ کر میں اور میرا بیٹا ابو ہریرہ خان گاؤں کی نہر والی زمین پر گے ۔ ہم وہاں اس لے گے کہ ہم نے ایک تو وہاں زمین کو ہموار کیا تھا دیکھنا یہ تھا کہ زمین کا پلاٹ صحیح بنا ہے یا نہیں اور دوسرا وہاں سے چند درختوں کی کٹائی کروانی تھی میں اپنے بیٹے کے ساتھ وہاں گی ۔ ماحول اور موسم بہت خوبصورت تھا جب ہم وہاں پہنچے تو ۔ ہم نے وہاں زمین دیکھی جو گندم کی بجائی کیلئے تیار کی گئی تھی اور دوسرا ہم نے اپنے درختوں کو دیکھا جو ہم نے کٹائی کیلئے دیکھنے تھے ایندھن کے استعمال کیلئے ۔ میں نے وہاں پر ایک پودا دیکھا جس کو دیکھ کر مجھے اپنا بچپن یاد آگیا یہ وہ پودا ہے جس کو ہم اپنی زبان میں دیلا کہتے ہیں ۔ بچپن میں ہم یہ بہت کھاتے تھے میں نے اپنے بیٹے کو یہ دیلے توڑ کر دے تاکہ وہ بھی ان کا ذائقہ لے سکے پھر میں نے ان کے بارے میں مکمل تفصیل کے ساتھ اپنے بیٹے کو ان کے بارے میں بتایا ۔ دیلے سرخ رنگ کے ہوتے ہیں اور ان کا ذائقہ ترش اور میٹھا ہوتا ہے ۔

This report was published via Actifit app (Android | iOS). Check out the original version here on actifit.io