My hive-engine wallet

မဂ်လာပါ မြန်မာဟိုက်အဖွဲ့သားများခင်ဗျား။

ဒီနေ့မှာတော့ ထွေထွေထူးထူး စာရေးရန် စဉ်းစားထားသည်လည်းမရှိချေ။ အွန်လိုင်းပေါ်ရောက်သည်နှင့် ဟိုက်မြန်မာ အဖွဲ့သားတို့၏ ပိုစ်များကို ဘုတ်ပေးခြင်း၊ ကွန်မန့်များပေးခြင်းနှင့် အခြားသော မိတ်ဆွေများ၏ ပိုစ်များသို့ သွားရောက်လည်ပတ် ဖတ်ရှုခြင်းများ လုပ်ဆောင်နေလိုက်သည်။

အချိန်အနည်းငယ်ကြာပီးနောက် စာရေးရန် အကြောင်းရှာမရဖြစ်၍နေသည်။ သို့နှင့် ဟိုက်ပလက်ဖောင်းတွင် ယမန်နေ့ကမှ ပြောင်းလဲသွားသော new hive-engine သို့ သွားရောက်ကာ လေ့လာစပ်စုနေမိသည်။ အသစ်ဆိုသည့်အတိုင်း အပြင်အဆင်နှင့် ဆက်တင်များမှာ တော်တော်လေး ရိုးရှင်းသွက်လက်၍ ဆန်းသစ်နေတော့သည်။

ကျွန်တော်သည်လည်း Wallet ရှိ တိုကင်လေးများ စာရင်းကို ပြန်စစ်ကြည့်ရင်း တိုးပွားလာသော တိုကင်လေးများနှင့် တိုးမလာသော တိုကင်လေးများကို ကြည့်ရင်း ပီတိဖြစ်နေမိသည်။ တစ်လကျော်၍ နှစ်လအတွင်းရောက်ရှိလာပီး စုဆောင်းမိနေသည့် တိုကင်လေးများမှာ မဆိုစလောက်ဆိုသော်လည်း ဘဲဥကတော့ကွဲလာနေချေပြီ။

Stake ပြုလုပ်သင့်သည့် တိုကင်လေးများအား ဆက်လက်၍ Stake ပြုလုပ်ပေးလိုက်သည်။ Waivio, TIX, POB, နှင့် အခြားတိုကင်တို့အား Stake ပြုလုပ်လိုက်သည်။ LOL နှင့် LUV တို့မှာ Stake ပြုလုပ်ခွင့်မရပါ သို့သော် တိုးပွားလာနေသည်ကိုတော့ သတိထားမိသည်။ PIZZA တိုကင်များကတော့ အော်တို Stake ဖြစ်နေကြသည်။

Stake များပြုလုပ်ခြင်းများ အဆင်ပြေချောမွေ့သည် ယခင်အဟောင်း အင်ဂျင်လောက် ကြန့်ကြာထစ်နေခြင်းမရှိချေ။ ဒီလိုလုပ်ငန်းစဉ်များ ချောမွေ့နေအောင် ဗားရှင်းအသစ်ကို သေချာတည်ဆောက်ထားပုံရသည်။ ထို့နောက် မိမိလုပ်လိုက်သော လုပ်ငန်းစဉ်များသည် hive explorerတွင် တကယ်ရှိမရှိ သိလို၍ ဆက်တင်တွင်ရှိသော block explorer ကို ဝင်ရောက်ကြည့်ရှုလိုက်သည်။ လုပ်ငန်းစဉ်များအားလုံးကို မှန်မှန်ကန်ကန်တွေ့ရှိရသည်။

ဆက်လက်၍ လေ့လာစပ်စုနေမိရာမှ မိမိ၏ ဆက်တင်ဆိုင်ရာတွင် ဘာတွေပြောင်းလဲသွားမည်လဲဟုသိလို၍ ဝင်ရောက်ကြည့်မိသည်။ Steeing တွင် Preferences , Profile, KYC နှင့် Bakn Details ဆိုသည်များကို အသစ်အဆန်းအနေဖြင့် တွေ့ရှိရသည်။
Settings

Preferences

Your Profile

Bank Details

အခုလို ဆက်တင်များ အသေးစိတ်ပြင်ဆင်ထားသည့်အတွက် နောင်တစ်ချိန်တွင် အဆင့်မြင့်သော လုပ်ငန်းဆောင်တာများ ဆက်လက် အဆင့်မြှင့်လာဖွယ်ရှိသည်ဟု ကျွန်တော်ထင်မိသည်။

ကျွန်တော်တို့ Hive Usersများအတွက် မရှိမဖြစ် အထူးအရေးကြီးသောအရာသည် Hive-engine wallet ပင်ဖြစ်သည်။ ဤ ဟိုက်ဗ်အင်ဂျင်ဝေါလက်သည်သာ အလုပ်ကောင်းကောင်းမလုပ်လျှင် ကျွန်တော်တို့အတွက် အခက်ဖြစ်နေမည်ဖြစ်သည်။ ထို့ပြင် နည်းပညာပိုင်းဆိုင်ရာများဖြစ်သော အကောင့်လုံခြုံရေးနှင့် ကျွန်တော်တို့၏ တိုကင်များအား အလွဲအပြောင်း အထုတ်အသွင်းများအတွက် သွက်လက်မြန်ဆန်ခြင်းတို့အား အစွမ်းကုန် အကောင်းဆုံးဖြစ်နေရမည်ဖြစ်သည်။

ယခု new hive-engine သည် အထက်ပါ အရည်အချင်းများနှင့် ပြည့်စုံနေမည်ဟု ကျွန်တော်ယုံကြည်နေမိသည်။ Hive platformတွင် Hive engineသည် အရှိန်အဟုန်နှင့် ဆက်လက်ချီတက်နေပါပြီ။

@nyimwa